گڏيل قومون -10 سيپٽمبر (اي پي پي) گڏيل قومن جي سيڪريٽري جنرل انتونيو گوتريش چيو آهي، ته هن غزه ۾ اسرائيلي جارحيت جي نتيجي ۾ ٿيل تباهي ۽ فوتگين جهڙي صورتحال ڪٿي به ناهي ڏٺي. آمريڪي نيوز ايجنسي ايسوسيئيٽڊ پريس کي ڏنل انٽرويو ۾ هن اپيل ڪئي ته گڏيل قومن جي سيڪريٽري جنرل جي حيثيت سان سندس ستن سالن جي دور ۾ ٿيل ان بدترين تباهي ۽ فوتگين کي روڪڻ گهرجي.هن چيو ته اهو سوچڻ غير حقيقي آهي ته گڏيل قومون غزه جي مستقبل ۾ ڪردار ادا ڪري سگهي ٿي يا ان علائقي جو انتظام ڪري يا امن فوج فراهم ڪري، ڇو ته اسرائيل طرفان گڏيل قومن جي ڪردار کي قبول ??رڻ جو امڪان ناهي. تنهن هوندي به هن چيو ته گڏيل قومون ڪنهن به جنگبندي جي حمايت لاءِ دستياب آهن. هن گڏيل قومن جي غزه ۾ جنگ بندي جي ڪنهن به قسم ج?? نگراني ??رڻ جي آڇ ڪئي آهي. گڏيل قومن جو وچ اوڀر ۾ 1948ع کان هڪ فوجي نگران مشن جاري آهي، جنهن کي يو اين ٽي ايس او جي نالي سان سڃاتو وڃي ٿو. گڏيل قومن جي سيڪريٽري جنرل چيو ته يقيناً عالمي برادري اسان کي جيڪو به چوندي اسان اهو ??رڻ لاءِ تيار آهيون. سوال اهو آهي ته ڇا اسرائيل ان کي قبول ڪندو. هن غزه ۾ جنگ بندي جي ضرورت تي زور ڀريندي چيو ته غزه ۾ اسان جنهن قسم ج??ن مصيبتون ڏسي رهيا آهيون، ان جو گڏيل قومن جي سيڪريٽري جنرل جي حيثيت سان منهنجي مينڊيٽ ۾ مثال نٿو ملي. مون ايتريون فوتگيون ۽ تباهي ڪڏهن به ناهي ڏٺي جيتري اسان گذريل ڪجهه مهينن ۾ غزه ۾ ڏسي رهيا آهيون. هن ان ڳالهه تي به زور ڀريو ته اسرائيل ۽ فلسطين جي ڏهاڪن کان پراڻي تڪرار جو ٻه رياستي حل نه رڳو قابل عمل آهي پر هي واحد حل به آهي. گڏيل قومن جي سيڪريٽري جنرل چيو ته ان جو مطلب اهو آهي ته 50 لک فلسطيني هڪ رياست ۾ بغير ڪنهن حق جي رهي رهيا آهن، ڇا اهو ممڪن آهي؟ ڇا اسان ماضي ۾ ڏکڻ آفريقا جهڙن خيالن کي قبول ڪري سگهون ٿا؟ هن چيو ته مون کي نه ٿو لڳي ته اوهان اهڙن ٻن ماڻهن کي گڏ رکي سگهو ٿا، جيڪي برابري ۽ احترام ج?? بنياد تي ناهن. پر جيڪڏهن اسان وچ اوڀر ۾ امن چاهيون ٿا ته منهنجي خيال ۾ ٻه رياستي حل ضروري آهي. غزه جي صحت واري وزارت مطابق اسرائيلي جارحيت ۾ هن وقت تائين 40 هزار 900 کان وڌيڪ فلسطيني شهيد ٿي چڪا آهن. غزه ۾ 11 مهينن کان جاري اسرائيل?? ڪارروائين وڏي پئماني تي تباهي مچائي ڇڏي آهي ۽ غزه جي 23 لک آبادي مان اٽڪل 90 سيڪڙو کي ڪيترائي ڀيرا بي گهر ڪيو ويو آهي جڏهن ته والاريل اولهندي ڪناري ۾ به اسرائيلي تشدد نين بلندين تائين پهچي ويو آهي.
