نیویارک ۔22ستمبر(اے پی پی) نگراں وزیراعظم انوار الحق کاکڑ آکھیے جو حکومتاں توں قطع نظر اساکوں مسئلہ کشمیر تے عالمی سطح تے اپݨا مؤقف پیش کریندے رہݨا چاہیدے ، معیشت دی بہتری سانڳے اقدامات کیتے ویندے پئن ۔ توانائی دے شعبہ اچ اصلاحات کیتیاں ویندیاں پئن ، چین پاکستان دا پراݨہ یار اے ایندے نال تعلقات تے کوئی سمجھوتہ نی تھی سڳدا ، اساں سارے ملکاں نال چنڳے تعلقات چاہندوں ، بھارت مقبوضہ کشمیر اچ ظلم کریندا پئے ، پاکستان دے امریکہ نال بہترین تعلقات ہن تے او ساریں توں وݙا تجارتی شراکت اے۔ پی ٹی وی نیوز نال خصوصی ڳالھ مہاڑ کریندے ہوئیں نگراں وزیراعظم آکھیے ساݙی کوشش اے جو پی ٹی وی دی استعداد کوں ودھاؤں ، اقوام متحدہ دی جنرل اسمبلی اچ تقریر دے بنیادی نکتے اچ جھیڑا کشمیر تے پاکستان دے بنیادی مؤقف کوں دنیا دے سامݨے پیش کرݨ شامل اے ، کشمیر دے جھیڑے کوں عالمی سطح تے چاوݨ کیتے کوئی وی حکومت ہووے اینکوں مسلسل کوششاں کرݨیاں چاہی??ن ، بھارت دے غیر قانونی قبضے وچ کشمیر اچ اتھاں دے رہݨ آلے بھارتی ریاستی دہشت گردی د?? مردانہ وار مقابلہ کریندے پئن، انہاں دے حوصلے ودھاوݨ کیتے اے فورم اہم اے، اساکوں جے کہیں معاملہ تے ڳالھ نہ وی کرݨی ہووے تاں اساکوں کشمیر دے جھیڑے تے ڳالھ کرݨ سانگے اقوام متحدہ دی جنرل اسمبلی دے کہیں وی سیشن توں غیر حاضر نی ہووݨا چاہیدا ، انہا?? آکھیے موسمیاتی تبدیلی جیں دا پاکستان شکار اے ایں تے وی ڳالھ تھیسی ، اسلامو فوبیا توں پوری دنیا توں آپݨا وطن چھوڑ تے امریکہ یا لاطینی امریکہ اچ ہجرت کرݨ آلیں کوں مختلف قسم دے تعصب دا سامݨا اے، ایندے وچ لباس، طرز زندگی، عقیدے شامل ہن ، اے لوک حق حل??ل دی روزی کما تے آپݨے گھر آلیں دا پیٹ پلیندن تے وطن اچ موجود اپݨے خانداناں دی کفالت وی کرین??ن ،او ایجھے تعصبات دے متحمل نی تھی سڳدے ۔ نگراں وزیراعظم آکھ??ے ٻہوں واری انہاں لوکاں دی آواز ایجھے فورم تے نی پڄدی اتھاں بطور ریاستی نمائندہ اساکوں رسائی حاصل ہوندی اے تے ایں آواز کوں انہاں فورمز تے پڄاوݨ ساݙی اخلاقی، سیاسی اتے آئینی ذمہ واری اچ آندے ۔ حکومتی اصلاحات دے حوالے نال ھک سو??ل دے جواب اچ انہا?? آکھیے پاکستان دی اقتصادی بحالی دے منصوبے تے وی ایس آئی ایف سی دی تشکیل ایندے خدوخ??ل دے حوالے نال وی شرکاء کوں ݙسایا ویسی کوشش کریسوں جو مسئلیں کوں سامݨے رکھیندے ہوئیں آپݨی تقریر اچ انہاں دا احاطہ کیتا ونڄے ۔ ڈالر دی قدرتے سو??ل دے جواب اچ انہا?? آکھیے عالمی مالیاتی فنڈ نال ایں تے وی ڳالھ تھئی اے ، آئی ایم ایف دی سربراہ کوں ایں تے خوشگوار حیرت تھئی جو پہلی واری کہیں حکومت ایں غیر قانونی کاروبار تے ہتھ پاتے ، حکومت ھک جامع انداز اچ کریک ڈائون کیتے جیں دی وجہ توں مارکیٹ اچ مصنوعی عدم استحکام اچ کمی آئی اے ۔
.jpg)
