بیجنگ۔20جنوری(اے پی پی) چین دے نائب وزیر خارجہ سون ویڈونگ آکھیے جو چین تے پاکستان کوں نویں سال اچ مختلف شعبیں اچ تعاون کوں ودھارا ݙیندے ہوئیں کثیر الجہتی رابطیں کوں مضبوط بݨاوݨا چاہیدے۔ ݙوجھے پاسے چین اچ پاکستان دے سفیر معین الحق چین دے نویں قمری سال تے چینی عوام کوں مبارخ ݙتی اے ۔ چینی وزارت خارجہ امور دے مطابق انہاں چین اچ پاکستان دے سفیر معین الحق نال ملاقات اچ آکھیے جو ݙوہیں ملکاں کوں آپݨے متعلقہ محکمیں دے درمیان ادارہ جاتی تبادلیں کوں مزید گھاٹا کرݨا چاہیدے تے بیلٹ اینڈ روڈ ااقدام دی 10ویں سالگرہ چین پاکستان اقتصادی راہداری (سی پیک ) دی تعمیر دے معیار تےکارکردگی کوں بہتر بݨاوݨ دا ھک موقع تے ۔ انہاں آکھیے چین پاکستان دوستی مختلف چیلنجز دا مقابلہ کیتے تے ݙوہیں ملکاں وچال دوستانہ تعلقات ویلھے دے نال نال تکڑے تھیندے ویندن ۔ چینی صدر شی جن پنگ دا 2015 اچ پاکستان دا سرکاری دورہ ݙو طرفہ تعلقات دی تاریخ اچ ھک سنگ میل اے۔ چینی نائب وزیر خارجہ آکھیے جو پاکستانی وزیراعظم شہباز شریف دا گزریل سال نومبر اچ چین دا کامیاب دورہ اتے چینی صدر نال ملاقات ݙوطرفہ تعلقات دے فروغ کیتے نویں رہنمائی ݙتی ۔ انہاں آکھیے چین ݙوہیں ملک دے رہنماواں دے درمیان طے تھیوݨ آلی اہم مشترکہ مفاہمت تے عمل درآمدکرݨ تے ݙوپاسے تعلقات کوں اعلیٰ سطح تے گھن ونڄݨ کیتے پاکستان نال رل تے کم کرݨ کیتے تیار اے ۔ انہاں آکھیے پاکستان ملک اچ چینی اہلکاراں، اداریں تے منصوبیں دے تحفظ کوں ٻہوں اہمیت ݙیندے تے ایں سلسلے اچ کوئی کسر نہ چھوڑیسی ۔
