تقسیم دی سیاست کرݨ آلی تحریک انصاف آپ تقسیم دا شکار تھی چکی اے، وزیر اطلاعات عطاءاللہ تارڑ

لاہور ۔24اگست(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو تقسیم دی سیاست کرݨ آلی تحریک انصاف آپ تقسیم دا شکار تھی چکی اے، تحریک انصاف اچ کئی ڈس انفارمیشن سیل اتے گروپ چلدے پئن۔ لاہور اچ میڈیا نال الیندے انہان آکھیا جو پی ٹی آئی کئی ہفتے توں ملک اتے قومی اداریاں دے خلاف پروپیگنڈا کریندی پئی اے اتے ملک سلامتی کوں نقصان پچاوݨ دی کوشش دے نال نال انہاں اپݨے سیاسی مفادات کیتے ملکی مفادات دا تے لاوݨ توں وی چکیے۔ انہاں آکھیا جو اڄ علیمہ خان دی رئوف حسن نال ڳالھ مہاڑ سامݨے آئی اے جیندا مطلب اے بشریٰ بی بی اپݨا انڄھ ڈس انفارمیشن سیل چلیندی پئی اے، علیمہ خان گروپ اتے بشریٰ بی بی گروپ وچال کشیدگی مکافات عمل اے، اڄ انہاں دی آپݨی پارٹی ترٹ ٻھڄ دا شکار اے، اے ہک ٻئے تے الزام تراشیان شروع تھی ڳن،پارٹی تے قبضے دی جنت چھڑی پئی اے۔ وفاقی وزیر آکھیا جو کھاوݨے اچ زھر ݙیوم دی ڳالھ کوڑ نکلی اے جو انہاں دا کھاوݨا تاں اپݨے گھرو آندے، انہاں کوں جیل اچ ساریاں سہولیات ہین ٻھل پارٹی تے قبضے دی جنگ اچ اے ملک کوں نقصان پچیندے پن۔

مضمون کا ماخذ : loteria آن لائن confiável

متعلقہ مضامین