وزیراعظم دی معاون رومینہ خورشید عالم اتے بیلاروس دے وزیر سرگئی مسلیاک دا ماحولیاتی پائیداری اتے موسمیاتی لچک کیتے تعاون ودھاوݨ تے اتفاق
PM's Coordinator on Climate Change, Romina Khurshid Alam and Belarusian Minister for natural resources and environmental protection, Sergey Maslyak meet in Islamabad on November 25, 2024.
اسلام آباد۔25نومبر (اے پی پی) وزیراعظم دی معاون رومینہ خورشید عالم اتے بیلاروس دے وزیر سرگئی مسلیاک دا ماحولیاتی پائیداری اتے موسمیاتی لچک کیتے تعاون ودھاوݨ تے اتفاق کیتے جئیں اچ ماحولیاتی سیاحت، پاݨی دی بچت، سرکولر معیشت، سبز ٹیکنالوجی دی منتقلی، تبادلہ پروگرامز، حیاتیاتی تنوع دے تحفظ اتے موسمیاتی تبدیلیاں نال نبڑݨ تے زور ݙتا ڳئیا۔ ݙوہیں فریقاں سنوار کوں ملاقات کیتی اتے پاکستان اتے بیلاروس وچال سانجھے منصوبے شروع کرݨ تے ڳالھ مہاڑ کیتی ڳئی۔ وزیراعظم دی موسمیاتی معاون زور ݙتا جو ݙوہیں ملکاں وچال حیاتیاتی تنوع دی تحقیق اتے بیلاروس دے ماہرین دی مدد نال جھیلاں دے تحفظ دے جدید طریقیاں تے تعاون بے مثال فیدہ ݙیسی۔ ݙوہیں ملکاں وچال حیاتیاتی طنوع دے تحفظ کیتے سانجھے اقدامات اہمیت رکھیندن۔ انہاں قدرتی وسائل دے تحفظ دی اہمیت تے وی زور ݙتا۔ رومینہ خورشید آکھیا جو پاکستان بیلاروس نال علمی تبادلے، تکنیکی مہارت دے تبادلے، علم دی تقسیم اتے صلاحیت دی تعمیر کیتے تعاون دی قدردانی کریسی۔ خصوصی طور موسمیاتی تبدیلی، پاݨٰ، صفائی، توانائی، زراعت، صنفی مساوات اتے تریمتیں دی طاقت اچ ودھارے بارے ݙوہیں ملکاں محفوط علاقیاں جینویں قدرتی ذخائر، قومی پارکاں اتے قدرتی تحفظات اچ ماحولیاتی سیاحت دی ترقی اتے حفاظت تے ڳالھ کیتی۔ رومینہ خورشید بین الاقوامی معیار دے مطابق سانجھی پالیسی دی ترقی دی حݨایت کیتی اتے ماحولیاتی پالیسیاں دی تشکیل اچ بین الاقوامی تعاون دی اہمیت تے زور ݙتا۔ ۔سرگئی مسلیاک آکھیا جو بیلاروس دے ماحولیاتی نگرانی اچ تجربہ پاکستان دے ماحولیاتی طور دوستانہ پالیسیاں اتے طریقیاں دے نفاذ دی کوششاں اچ معاون ثابت تھی سڳدے۔ انہاں علاقیاں اچ سانجھے منصوبے نال ٻئے مضبوطی امسی۔
