اسلام آباد۔15اگست(اے پی پی) چیئرمین سینٹ سید یوسف رضا گیلانی آکھیے پاکستان دا قیام ساݙے بزرگاں دیاں قربانیاں توں وجود اچ آئے ، ملک دی حفاظت کرݨ اساں ساریں تے فرض اے، دہشت گردی تے انتہا پسندی نہ صرف پاکستان بلکہ خطے سانڳے وی خطرناک اے۔ اے ڳالھ انہاں پاکستان سویٹ ہوم اچ یوم آزادی تقریب اچ مہمان خصوصی دی حیثیت نال خطاب اچ آکھی اے چیئرمین سینٹ سید یوسف رضا گیلانی آکھیے یوم آزادی دی تقریبات دا مقصد اپݨے پیارے پاکستان نال محبت دا اظہار کرݨا اے، تحریک آزادی پاکستان اچ لکھاں لوک شہید تھئن اساکوں ایں ملک دی قدر کرݨی چاہیدی اے ۔انھاں آکھیے 14اگست ساݙے دلاں اچ خاص مقام رکھیندے ۔ میں زمرد خا?? کوں پاکستان دے یتیم ٻالاں سانڳے سویٹ ہوم دے اقدام دی تعریف کرینداں ۔ 14سال پہلے بطور وزیراعظم پاکستان میں کجھ ٻال زمرد خان دے حوالے کئیتے ہن اڄ اساں کنے ہزاراں ٻال تھی چکئن ۔ انھاں ٻالاں سانڳے محفوظ،پیارا تے شاندار ماحول دا قیام قابل تعریف اے۔ یتیم ٻالاں دی کفالت اتے ضرورتاں کوں پورا کرݨ ساݙا مذہبی فریضہ وی اے۔اے ٻال اڄ ملک دا قیمتی اثاثہ بݨ چکئن۔ اے ٻال ??اکٹر، انجینئر، استاد بݨ تے ملک دی خدمت کریسن سید یوسف رضا گیلانی آکھیے محترمہ بی بی شہید بے نظیر بھٹو آکھیا ہئی او علاقے جتھاں تعلیم اتے روز گار دے موقع نہ ہوون اتھاں دہشت گردی تے ٻئے جرائم عام تھی ویندن۔ انھاں ہدایت کیتی ہئی جو ایجھے علاقیں سانڳے تعلیم تے روزگار دے موقع دے انتظام کیتے ونڄن ۔ ملالہ یوسف زئی کوں وی ایوارڈ نہ ݙتا ڳیا ہئی ۔ میں انہاں کوں بطور وزیراعظم پاکستان امن دا ایوارڈ ݙتا تے ایندے ترائے سال بعد انہاں کوں نوبل ایوارڈ ݙتا ڳیا، جݙاں جو اوں ویلھے میݙا پتر افغانستان دہشت گرداں دی قید وچ ہئی مگر میں ملالہ یوسف زئی دا ساتھ ݙتا ۔سوات اچ ملٹری آپریشن اچ 25لکھ لوکاں مݙی چاتی ہئی ۔ انھاں کوں واپس اساں آباد کروایا۔ سویت یونین اتے افغانستان جنگ اچ 35لکھ لوک آڳئے ۔اساں انہاں کوں زندگی دے ہر شعبے اچ رلائے۔ میں دنیا نال ??الھ کیتی جو انہاں مہاجر??ن دی بحالی سانڳے پاکستان دے رلے تھیوو ۔ ایں تے ہݨ کم تھیندا پئے ۔ سید یوسف رضا گیلانی آکھیے اساں او کم کیتن جیڑھے دنیا نی کیتے ۔ دہشت گردی دی جنگ اچ اساں بے شمار جانی و مالی قربانیاں ݙتن۔ دہشت گردی اتے انتہا پسندی دی اڄوکی لہر کوں ختم تھیوݨا چاہیدے جو نہ صرف پاکستان بلکہ دنیا سانڳے خطر ناک اے۔ افغانستان ساݙا جاڑا بھرا اے انہاں دی ثقافت، تہذیب، روایات اتے بارڈر اساں وانڳوں ہن افغانستا?? کوں ھک آزاد، خود مختار تے خوشحال ملک ہووݨا چاہیدے جتنا وی اساں انہاں سانڳے کم کیتے اساں مزید دی انھاں کیتے کم کرݨ چاہندوں ، پاکستان سویٹ ہوم دا ٻوٹا جیڑھا 14 سال پہلے لاتا ڳیا ہئی اڄ ھک تکڑا وݨ بݨ ڳئے ۔ پاکستان سویٹ ہوم کوں بین الاقوامی معیار موجب بݨاوݨ قابل تحسین اے اتے زمرد خان پوری قوم سانڳے ماݨ ہن ۔ اڄ اتھاں پاکستان دا ساریں توں وݙا جھنڈا لاتا ڳئے جیڑھا ٻہوں خوشی دی ڳالھ اے ۔پاکستان دی ھک وݙی آبادی نینگراں تے مشتمل اے جیڑھا ملک دا قیمتی اثاثہ ہن۔ اڄ انھاں ٻالاں کوں یقین ݙویندوں جو اساں سارے انہاں دے آپݨے ہیسے تے اے ساݙے آپݨے ٻال ہن ۔ میں زمرد خان سودھے سارے ڈونرزدا مشکور ہاں جوایں عظیم کم اچ ساݙے رلے تھیندے پئن ۔ زمرد خان اتے پوری ٹیم دیاں کوششاں تے غیرمتزلزل لڳ?? کوں خراج تحسین پیش کرینداں
