سویڈن اچ قرآن کریم دی بے حرمتی دی اشتعال انگیز کارروائی دا مقصد مسلماناں اتے عیسائیاں کوں آپت اچ لڑاوݨ دی سازش اے، ایں واقعہ توں ارباں مسلماناں دے دل چور چور ہن، وزیراعظم محمد شہباز شریف دا پارلیمنٹ دے مشترکہ اجلاس توں خطاب
APP51-060723
ISLAMABAD: July 06 – Prime Minister Muhammad Shehbaz Sharif addresses the joint session of the Parliament to condemn desecration of the Holy Quran in Sweden. APP/TZD
اسلام آباد۔6جولائی (اے پی پی):وزیراعظم محمد شہباز ??ریف آکھیے سویڈن اچ عید الاضحیٰ دے ݙینھ قرآن کریم دی بے حرمتی دی اشتعال انگیز ??ارروائی دا مقصد مسلماناں اتے عیسائیاں کوں آپت اچ لڑاوݨ دی سازش اے جیں دی جتنی وی مذمت کیتی ونڄے گھٹ اے ، سویڈن اچ پیش آوݨ آلا واقعہ انتہائی قابل مذمت اے اتے ایں توں ارباں مسلماناں دے دل چور چور ہن ، اساں سارے مذاہب دا احترام کریندوں تاں جو ساݙی مقدس کتاب تے کوئی انگلی نہ چا سڳے، اساں آزادی اظہار دے خلاف کائنی مگر ایں دی آڑ اچ کہیں دے مذہب اتے مقدس شخصیات دی بے حرمتی، پروپیگنڈا اتے زہر کھنڈاوݨ دا کوئی قانون اجازت نی ݙیندا ، اساکوں اسلامی دنیا دے نال رل تے ھک مضبوط آواز چاوݨی چاہیدی اے ۔ پارلیمنٹ دے مشترکہ اجلاس توں خطاب کریندے ہوئیں وزیراعظم آکھیے اڄوکے ݙینھاں اچ سویڈن اچ قرآن کریم کوں ساڑ ݙیوݨ دے مذموم واقعہ تے اڄ اساں سارے ??تھ??ں ݙکھی دل دے نال جمع ہیسے ، ایں مذموم حرکت توں پورے عالم اسلام اچ ٻہوں کاوڑ پاتی ویندی اے ۔ وزیراعظم آکھیے پارلیمنٹ دے مشترکہ اجلاس دے توسط نال اساں پوری امت مسلمہ اتے پاکستانی عوام دے جذبات پوری دنیا اچ ھک زبان دے نال پڄاوݨ چاہندوں ، مشترکہ اجلاس ایں قبیح حرکت دی ??ہ صرف بھرپور مذمت کرے بلکہ ایجھے اقدامات اتے سفارشات وی تجویز ??رے جیں اچ اڳوں کیتے ایں طرح دے مذموم واقعات کوں روکیا ونڄ سڳے ، انہاں سپیکر کوں ایں حوالے نال کمیٹی دے قیام دی تجویز وی پیش کیتی تے آکھیے جو اے سفارشات اساں ??ہ صرف پاکستان دے متعلقہ اداریں بلکہ دنیا دے مختلف فورمز کوں وی پڄیسوں تاں جو قیامت تئیں ایں طرح دے واقعات ولا نہ تھیون ۔ وزیراعظم آکھیے قرآن کریم اللہ تعالیٰ دی آخری کتاب اے جیڑھی ساݙے پیارے نبی کریمﷺ تے نازل تھئی، اے قرآن کریم دی حکمت اے، جو او پوری دنیا کوں امن، محبت، ایثار اتے صبر و تحمل دی تلقین کریندے ، قرآن کریم اچ حضرت مریم تے حضرت عیسیٰ سودھے ٻہوں سارے نبیاں دا ذکر آئے ، بطور مسلمان اساں حضرت عیسیٰ کوں ??ہ صرف اللہ دا نبی منیندوں بلکہ انہاں دے مذہب اتے کتاباں دا وی احترام کریندوں ، میں کݙاہیں کوئی ایجھا واقعہ نی سݨیا جو پاکستان اچ کݙاہیں بائبل دی بے حرمتی کیتی ڳئی ہووے اساں سارے مذاہب دا احترام کریندوں تاں جو ساݙی مقدس کتاب تے کوئی انگلی نہ چا سڳے ۔ وزیراعظم آکھیے ایوان جیڑھا متفقہ قرارداد منظور کریسی انہاں دا اے یہ فرض بݨدے جو او اے صرف سویڈن دی حکومت بلکہ پوری دنیا اچ پڄائی ویسی ، دفتر خارجہ وی موثر انداز ??چ سفارتی محاذ تے آپݨ?? کردار اد?? کریندا پئے ۔
